С.Кулагин: Ақмола облысының инвестициялық портфелінде қ595 миллиард теңгенің 115 әлеуетті инвестжобасы бар

«Екінші бес жылдыққа жобаларды іске асыру бойынша кеңқұлашты міндеттер, оң істер, айтарлықтай жоғарғы меже қойылды. Бағдарламаның бірінші бесжылдығында өңдеу өнеркәсібінің еңбек өнімділігі 2014 жылға қарағанда екі есе өсіп, 19 мың долларды құрады», - деді С.Кулагин.

Инвестициялық портфельде 595 млрд.теңге сомасына 115 перспективалы жобалар бар. Оның ішінде 40 жоба (496,9 млрд. теңге, 7 мың жұмыс орны) - Индустрияландыру картасына қосылды. Инвестициялар сомасы бойынша қазіргі жобалар 2010-2014 жылдары іске асырылған жобалардың құнынан 4 есеге артық (121,5 млрд.теңгеге 49 жоба)», - дейді С.Кулагин.

Аймақ басшысының атап өтуінше,  жобалардың басым көпшілігі (40 жобаның 33-і) өңдеу өнеркәсібінің салаларына жатады. Жыл соңына дейін тағы 8 жобаны іске қосу жоспарлануда. Олардың ішінде ірі жобалар - ет өңдеу кешені («Бижан» ЕӨК» ЖШС), бройлер етін өндіру жөніндегі құс фабрикасы («Capital Projects Ltd» ЖШС жылына 20 мың тонна).Қазақстан-Германия бірлескен кәсіпорны «ҚазГерҚұс» ЖШС өндірістік қуаттылығын 2 есеге арттырды, құс фабрикасының 2-кезегі іске қосылатын болады.

Индира Кауметова