Ақмола облысының өндірістік көлемі жыл басынан бері 251 млрд теңгені құрады

«Кәсіпорындардың тұрақты жұмысы индустриалды сектордың өсімін қамтамасыз етуге септігін тигізді. Ақмола облысының өндірістік көлемі 251 млрд теңгені құрады, есепті кезеңдегі физикалық көлем индексі 106,1 % көрсетті. Қайта өңдеу өнеркәсібінде - 108,6 %,  жоғары өсім түрлі түсті металлургия, химия өнеркәсібі, азық түлік өнімінің өндірісінде байқалды», - деді әкім. 

Оның айтуынша, сүбелі үлесін Индустриаландыру картасының жобалары қосып келеді. Олардың өндірістік өнеркәсібіндегі үлесі 29 %, қайта өңдеу өнеркәсібінде - 38 %, бұл өткен жылдан 4%-ға артық. 

Айта кетерлік жайт, Ақмола облысы алтынның 22%-ын, құрылыс кірпішінің 22%-ын, жүк көлігінің 40%-ын,  мойынтіректің 100%-ын, ұнның 10%-ын өндіреді. Аймақтың республикалық өнеркәсіптік өндірістегі үлесі  2,1%, осы ретте қайта өңдеу өндірісі - 4%. Қайта өңдеу өндірісінің Ақмола облысының өндірісі саласындағы үлесі  басым, 70%-дан асады. 

Индира Кауметова