Қазақстанның тау-кен-металлургиялық кәсіпорындары 2018 жылға дейінгі жұмыс жоспарын әзірлейді
17 Қараша, 2015 11:26
Қазақстанның тау-кен-металлургиялық кәсіпорындары 2018 жылға дейінгі жұмыс жоспарын әзірлейді, деді Астанадағы халықаралық конференцияда Тау-кен-металлургиялық кәсіпорындар қауымдастығының директоры Николай Радостовец.
«Съезд барысында біз саладағы түпкілікті өзгерістер талқыланып, ҚР Үкіметі мен кәсіподақтар 3 жылға арналған бағдарламаға қол қояды. Бұл ұжымдық келісімшарттарға әсер етеді», - деді сарапшы.
Оның айтуынша, ұсынылып отырған құжат тек экономикалық емес, сондай-ақ, кадр дайындау, жаңа мамандар мен қорғаныс, қоршаған орта мәселелерін қарастырады.
Осы орайда атап өтерлігі, конференция шеңберінде 18 қарашада Тау-кен-металлургиялық өнеркәсіп жұмысшыларының VI съезін өткізу жоспарланған. Биыл съез тақырыбы жаңа экономикалық саясат жағдайындағы тау-кен-металлургиялық кешен мәселесіне арналмақ. Оның жұмысына үш жүзден аса сала мамандары қатысады деп күтілуде.
