• Басты
  • А.Соловьева: Қазақстанда электр энергиясының 40%-ын ТКШ секторы тұтынады
17 Қараша, 2015 10:37

А.Соловьева: Қазақстанда электр энергиясының 40%-ын ТКШ секторы тұтынады

Астанада «ТКШ - ЭКСПО 2015» халықаралық форумы өтуде. Форум аса маңызды салалар - ТКШ және кешеннің құрылысын қамтыды.
А.Соловьева: Қазақстанда электр энергиясының  40%-ын ТКШ  секторы тұтынады

«ТКШ  ол «жасыл» экономиканың драйвері.  Бүгінгі шара Қазақстанның «жасыл» экономикаға бет алғанын байқатады. Бізде стратегиялық құжаттар бар, ол бүкіл Қазақстанды және ТКШ саласын жаңа инновациялық  технологияларға, энерготиімділікке  көшуге итермелейді. Қазақстанда электр энергияның 40%-ын ТКШ  секторы тұтынады»,- деді өз сөзінде ҚР Парламенті Мәжілісінің депутаты Айгүл Соловьева. 

Шара аясында мамандандырылған көрме ұйымдастырылды. Мұнда қатысушылар қатарында Қазақстанның кәсіпорындары мен ұйымдары бар, олардың басым бөлігі отандық өндірушілер реестріне енгізілген. Сонымен қатар, Ресей, Беларусия, Украина,  Германия, Түркия мен өзгеде елдердің өкілдері қатысуда.

«Көрме біз сенімді түрде алға жылжып келе жатқанымызды білдіреді. Бұл көрме өзге мемлекеттердің не істеп жатқанын көруге, тәжірибе алмасуға,  ТКШ-ға жаңа технологиялар енгізуге  мүмкіндік береді.  Бізде көпқабатты тұрғын үйлер көп, 22 мыңнан астам әкімшілік нысандар  бар. Ал, жоғары тарифтерді жаңа технологияларды пайдалану арқылы ғана төмендетуге болады», - деп сендірді А.Соловьева.

Ботагөз Айтжанова

Барлық жаңалықтар