Астанада шахтерлер, кеншілер мен металлургтердің қатысуымен халықаралық конференция басталды
Шара барысында қатысушылар табиғи байлықтарды қолдану кодексін талқылайды, оның аясында Қазақстан жер байлықтарын қолдануда австралиялық әдісті енгізбек.
Сондай-ақ, шахтерлар, металлургтар мен кеншілер саланы дамытудағы проблемалар мен әлеуетті талқылайтын болады. Оның ішінде Қарағанды көмір бассейні де бар.
Форумның екінші жартысында тақырыптық дөңгелек үстелдер ұйымдастырылады, сарапшылар тау-кен металлургиялық саладағы жергілікті қамту мәселелері туралы айтады.
Айта кетейік, 18 қарашадағы конференция аясында Тау-кен металлургтерінің VI съезін өткізу жоспарлануда. Оның жұмысына 300 делегат қатысады. Оның ішінде тау-кен металлургия саласы кәсіпорындарының жетекшілері, ТКМ жұмыскерлері, мемлекеттік орган қызметкерлері ҚР Мәжіліс депутаттары қатысады.
