Халықтық IPO барлық процестің демократиялануына жол ашады– Светлана Романовская

«Біз жекешелендірудің екінші кезеңі жайлы сөз қоғаудамыз. Осы орайда мемлекеттік объектілер мен кәсіпкерліктердің ұстағанның қолында, тістегеннің аузында кететін жекешелендіру болып кетпеуін ұсынамыз. Бұл шын мәнінде де халықтық IPO болсын, мұның игілігін халық көрсін. Егер бұл жекешелендірудің екінші толқыны болса, онда жекешелендіру барысы барынша ашық және түсінікті болсын. Өйткені бізде кез келген азамат жекешелендіруге қатыса алады. Сонда ғана бізде тәртіп болады. Бұл дегеніңіз демократия көрсеткіші», - деді депутат ҚР Президенті жанындағы Орталық коммуникациялар қызметінің дәстүрлі апталық брифингінде.

 Естеріңізге сала кетейік, ҚР Үкіметінің кеңейтілген отырсында Мемлекет басшысы жекешелендірудің екінші толқынын Үкімет қайта қарап, өзгерістер енгізуді тапсырған.