Ақмола облысындағы құс фабрикасы жылына 20 мың тонна құс етін өндіруді көздеп отыр

16 Қараша, 2015 15:03

«Capital Projects Ltd» құс фабрикасы өткен жылы іске қосылған болатын. Кәсіпорын елордадан 30 км қашықтықта орналасқан, Астана азық-түлік белдеуінің құрамдас бөлігі болып келеді.

Құс жұмыртқалары бір тәулік бойы инкубацияланады, кейін оны бройлер өсіретін аумаққа тасымалдайды. Сол жерде жұмыртқалар 42 күн жатады. Кәсіпорынның қуаты бір сағатта 6000 бройлер, яғни тәулігіне 12-33 құс шығаруға жетеді. Бір ауысымда 15-25 тонна құс еті өндіріледі. Кәсіпорында Германиядан әкелінген заманауи құрылғылар орнатылған.Бүгінгі таңда өндіріліп жатқан құс еті Астана мен Ақмола облысын қамтиды. Кәсіпорынның басты мақсаты – импорттық емес, отандық өнімді тұтынуға жағдай жасап, Астана аумағында азық-түлік белдеуін қалыптастыру.

«2016 жылы компания жылына 20 мың тонна құс етін өндіруді көздеп отыр. Елімізге импортталып жатқан құс етінің көп болуының салдарынан бұл өте қиынға соғуда.Қоймаларда көп өніміміз сақталған, кәсіпорын күнделікті жұмыс істейтіндіктен арнайы қойма жалдаймыз. Ағымдағы жылдың қаңтар айынан бастап өндіріс көлемін азайттық. Құс етін өндіру аса қиын емес, оны сату әлдеқайда ауыр», - деді «Capital Projects Ltd» ЖШС директоры Максим Божко.

Аталмыш кәсіпорын «Халық маркасы» байқауының жеңімпазы атанған болатын.

Данияр Қасымов

Барлық жаңалықтар