АӨК субсидиялау шағын ауыл шаруашылығы тауарын өндірушілерге уақытылы егін жинауға мүмкіндік береді

«Егін жинау науқанында кешігудің басты себебі шаруалардағы техника тапшылығы болып табылады. Ал, техника қаржы жетпегеннен кейін жетпейді. Солтүстік Қазақстан бойынша 3500-ден астам шаруқожалығы бар, олардың иелегінде 350 гектарға жуық жер бар. Осындай егін алқабына иелік етіп отырған шаруалар өздеріне техника сатып ала алмайды. Ал, жаңа заң аталмыш майда шаруаларға немесе кәсіпорындарға бірігуге мүмкіндік береді. Осылайша олар ешкімге телмірмей жаңа техника сатып ала алады және егінді уақытылы жинайтын болады», - деп атап өтті  Б.Рахымбеков.

Ол үшін 2016 жылдың 1 қаңтарынан бастап мемлекет ауыл шаруашылығы тауарын өндірушілерге инвестициялық субсидия бере бастайды. 

«Егер ауыл шаруашылығы тауарын өндірушісі өзіне техника сатып алғысы келсе, оның құнының 30% -ын АШМ кепілдік мүліксіз, алдын ала төлемсіз  субсидиялайтын болады. Яғни техниканы ол лизингке алатын болады, осы ретте  жылдық  14% үстемақының  7%-ын мемлекет субсидиялайды», - деп атап өтті ол.  

Естеріңізге сала кетейік Елбасы Н.Назарбаев 2015 жылдың 2 қарашасында Ұлт жоспары «100 қадамды» жүзеге асыруға бағытталған «Ауыл шаруашылығы кооперативтері туралы» ҚР заңына қол қойды.

Анар Тәңірқұлова