Қазақстанда отандық өндірушіні растайтын жаңа сертификат жасақталуда

«Самұрық-Қазына» қорымен одан әрі  жұмыс барысында қор жұмысының тәртібіне өзгертулер енгізуді көздеп отырмыз, олар мемлекеттік сатып алуларды және ұзақмерзімді келісімшарттарға қол қоюды ашық жүргізуге мүмкіндік беретін болады. Бүгінде «Самұрық-Қазына» қоры жүргізіліп отырған мемлекеттік сатып алулар бойынша техникалық түсініктемелерді  қордың сайтына алдын ала жариялау мәселесін қарастырып жатырмыз»,  - деді  Н. Әлтаев. 

Оның айтуынша, бүгінде мемлекеттік сатып алу саласында жаңа тұжырымдама жасақталуда. Бұл СТ-KZ  сертификатынын орнына жүретін адал жеткізушілер мен индустриалды сертификаттар реестрін құру болып табылады. Сертификат өндірушінің шынымен отандық екенін растайтын болады. 

«ЕАЭО мен ДСҰ аясында отандық тауар өндірушілерге берілетін шартты жеңілдіктер алынып тасталынады. Осы ретте жаңа тәртіпке, жаңа механизмге көшу керек.  «Самұрық-Қазына»  қорымен аталмыш мәселе қарастырылуда. Жақын арада Үкіметке сәйкесінше ұсыныспен шығуды көздеп отырмыз. Бұл адал жеткізушілер мен индустриалды сертификаттар реестрін құру болып табылады»,  - деп толықтырды Н. Әлтаев.

Ботагөз Айтжанова