Алматыда Қазақстандағы демографиялық процесстердің мәселесі талқыланды

Келелі кеңесте Қазақстан Республикасындағы демографиялық процесстер және оны заңнамалық қамтамасыз ету шаралары талқыланды.

Басқосуды ҚР Парламент Мәжілісінің депутаты, ХДАПФ вице-төрайымы Айткүл Сама­қова жүргізді. Екікүндік халықаралық конференцияда Қазақстанның демографиялық жағдайы мен оны заңнамалық қамтамасыз ету шаралары туралы айтылд.

«Күн тәр­ті­біне Қазақстан­дағы демографиялық саясатты қойдық. Елбасының Жол­дауын­да бұл мәселеге үлкен көңіл бөлін­ді. Сол себепті бұл тақырып Әлеуметтік кеңес отырысының жоспарында тұр. Елбасы 2020 жылға қарай Қазақстанда адам санын 20 мил­лион­ға жетуі керек деген тапсырма берді. Қазіргі кезде елімізде 17,4 млн адам тұра­ды. Біз қазір ұсыныс дайындап жатыр­мыз, оның жобасы қабылданды, оған қо­сып-алынатын ұсыныстар мен пі­кірлерді есепке ала отырып жетілдіріп жатырмыз, содан кейін шараларды қа­был­дау үшін үкіметке және премьер-министрге жі­береміз. Қазіргі кезде демо­графиялық мә­селелермен кімнің ай­на­лысып жат­қа­нын ешкім білмейді. Кезінде онымен Экономика және бюд­жеттік жоспарлау министрлігі айна­лыс­қан, бүгінде тіпті ондай министрлік жоқ, ұлттық экономи­ка министрлігі бар. Он­да­ғы бір департа­мент оны көп мәселе­лердің бірі ретінде қарай­ды. Осы мәселе­лердің басын бірік­тіретін ұйымдар да жоқ. Шындығын­да, Статис­тика коми­тетінің ішінде демогра­фия­мен айналы­сатын орталық ашуға бо­лар еді. Ден­сау­лық сақтау және әлеу­меттік даму ми­нис­трлігі басқа жұ­мыстармен, Ішкі істер министрлігі тек ми­грациялық сая­сатпен ғана айналыса­ды. Енді біреулер тағы да басқа мәселе­лермен айналысады. Ал осы мәселелерді біріктіріп, тұтастай қарайтын мекеме жоқ. Менің ойымша, бұл өте салмақты мәселені дұрыс қарап жатырмыз. Бұл мәселені біз екінші рет көтеріп отырмыз, қалай болғанда да оны үкімет шешуі тиіс», – деді Мәжіліс депутаты, ХДАПФ вице-төрайымы Айткүл Сама­қова ісалиқалы басқосуда. 

Жалпы, 2015 жылдың 1 қаң­та­рын­дағы есеп бойынша Қазақстан халқы бүгінде 17,4 млн адамды құрайды. Әрбір мың еркекке 1070 әйелден келеді. Соңғы жылдары бала туылуы бір қалыпты. Бұл көрсеткіш жыл сайын 2,3 пайызға өсіп келеді. Халықтың өлім-жітімі, со­ның ішін­де ана мен балалардың өлімі азайды. Адам өмірі ұзарды, әйел мен ер адам­дардың өмір ұзақтығындағы айыр­ма­шылық қысқарды. Еліміздегі демо­графиялық жағдайға миграциялық процестер де әсер етуде.

Тәуелсіздік алған 24 жылда тарихи отанына бір миллионға жуық қазақтар оралды, бұл еліміздің жалпы халық санының 5,5 пайызын құрайды. Соңғы бес жылдың ішінде елімізге кел­ген жоғары білімі бар мигранттар екі еседен асты. Ажырасқан отбасылардың саны да біршама азайды. Осының бар­лығы елдегі миграциялық жағдайға әсер етеді.