Алматыда ЭКСПО тақырыбында 6 халықаралық көрме ұйымдастырылады

5 Қараша, 2013 10:38

5-8 қараша аралығында «Iteca» көрме компаниясы әлемнің 30 елінің компаниялары қатысатын 6 халықаралық көрме ұйымдастырады, деп хабарлайды «Iteca» ЖШС баспасөз қызметі.

«Әлемнің отыз елінен 436 күндізгі және сырттай қатысушы компаниялар біріккен экспозицияларын ұсынады», - делінген хабарламада.

ЭКСПО-аптада өңірдегі танымал брендтер өздерінің жобаларын ұсынады. Соның ішінде «WorldFood Kazakhstan 2013» – «Тамақ өнеркәсібі» халықаралық көрмесін, «ArgoWorld Kazakhstan 2013» – «Ауылшаруашылық» тақырыбында, «KazUpack 2013» – өнімдерді қаптаудың барлық түрлерін, «HOREX 2013» – қонақ үй, мейрамхана қызметкерлерінің, аспазшылардың қатысуымен жарқын ЭКСПО-оқиғасын ұсынады.

Сонымен қатар келушілердің назарына клинингтік саланың дамуына байланысты «CleanExpo Central Asia 2013» мен форум мен көрмелерді біріктіретін жыл сайынғы өңірлік фринчайзингтік шара «FranchExpo Central Asia 2013» көрсетіледі.

Айтпақшы, аталмыш шарада тағы «WorldFood Kazakhstan-2013 Үздік өнімі» тамақ пен сусынның дәмін тату дәстүрлі байқауында ұсынылатын тағам түрлерінің саны рекордтық санға жетті.

Барлық жаңалықтар