2014 жылы Көкшетауда көгілдір отынмен қамтамасыз ету жұмысы қалпына келтіріледі
5 Қараша, 2013 09:51
Ақмола облысының әкімі Қосман Айтмұхаметов Көкшетау қаласы басшылығына қаланың көгілдір отынмен қамтамасыз етілуін қадағалауды тапсырды, деп хабарлайды облыс әкімдігінің баспасөз қызметі.
«Бүгінге дейін өңірдің көгілдір отынмен қамтамасыз етілу жүйесі құрылысының техникалық-экономикалық негіздері бойынша жұмыстар басталып кетті», - делінген хабарламада.
Естеріңізге сала кетейік, былтырғы жылы Қазақстанның орталық аймақтарын көгілдір отынмен қамтамасыз ету мақсатында «Тобыл-Көкшетау-Астана» газ құбыры құрылысы жобасын жүзеге асыру бойынша үкіметтік дәрежеде шешім қабылданған болатын.
Облыс орталығы аймағында жалпы ұзындығы 60 км-ден асатын 200-ден астам топтық бөлім қондырғылары бар. Мамандардың пікірінше, істен шыққан қондырғыларды қайта жөндеу үшін 450 млн теңге қажет.
