ҚХА тәжірибесі көптеген елге үлгі бола алады - New Baku Post бас редакторы

«Біз сынақтар мен қауіп-қатерлер  әлемінде өмір сүріп жатырмыз. Ең сезімтал сала-этникаралық қарым-қатынас болып есептеледі. Мономәдениетті елді табу өте қиын», - деді сарапшы.

Ол Қазақстанның ел ішіндегі этникаралық құрылымының оңтайлы жағдайларын айтып өтті.

«Қазақстан – этникаралық жағдайға өзіндік ерекшелік алып келген ел. ҚХА туралы айтатын болсақ, бұл жерде жаңа саяси ұлт құрылуда. Нұрсұлтан Назарбаев болашақтың сәулетшісі ол 20 жыл бұрын өзекті мәселенің шешілу жолын тауып, аталмыш институтты құрды», - деді Т.Аббасов.

Айта кетейік, бүгін Астанада «Бейбітшілік пен келісім мәдениеті» Қазақстан халқы Ассамблеясының II Халықаралық медиа форумы өтті. Шара барысында үш панельдік сессия БАҚ, блог саласының өзекті мәселелері бойынша ұйымдастырылып, отандық және шетелдік спикерлердің қатысуымен шеберлік сыныптары өтті.Сондай-ақ, форум аясында «ҚХА-ға 20 жыл – Бір ел-бір тағдыр» жинағы таныстырылып, «Шаңырақ» журналистика шығармашылық байқауының жеңімпаздары марапатталды.