«Батыс Еуропа-Батыс Қытай» дәлізінің соңғы учаскесінің мердігері белгіленді

5 Қараша, 2013 09:47

Компания СП «Тодини-Имперджилио-Аккорд» БК компаниясы «Батыс Еуропа-Батыс Қытай» халықаралық транзиттік дәлізінің қайта салынуға тиісті «Ташкент-Шымкент» автомобиль жолының 37 километрін, яғни осы дәліздің ең соңғы учаскесін салатын мердігер болып белгіленді. «Ташкент-Шымкент» жолының соңғы екі учаскесі бойынша мердігерлер таңдаудың конкурстық ресімі әрі қарай жалғасуда, деп Көлік және коммуникация министрлігінің баспасөз қызметі.

«Жалпы ұзындығы 99 км «Шымкент-Ташкент» жолы небәрі үш учаскеге бөлінген, сондықтан бізге екі мердігерді ғана таңдау қалды. Бұл жол қайта салынғаннан кейін 4 жолақты қозғалысқа арналған, цемент-бетон жамылғысы бар бұл жол І техникалық категорияға көшіріледі. Бұның сыртында, учаскеде 1 көлік айырығы және 5 жол өтпесін салу көзделуде. Барлық жол құрылысын аяқтау арқылы жобаны іске асыруды біз 2015 жылға жоспарлап отырмыз», - деп Автомобиль жолдары комитетінің төрағасы Замир Сағынов мәлімдеді.

«Шымкент – Ташкент»автомобиль жолы«Батыс Еуропа-Батыс Қытай» халықаралық транзиттік дәлізінің бір бөлігі екендігін еске саламыз. Дәліздің Қазақстан аумағы арқылы өтетін ұзындығы 2787 км, оның қайта салынатыны 2452 км.Оның ішінде 2011 215 км, 2012 жылы 700 км пайдалануға берілген болатын. 2013 жылдың аяғына дейін 806 км жол бойы жүріп өтуге ашылатын болады.

Барлық жаңалықтар