2015 жылы «Жасыл ел» бағдарламасының мыңнан астам қатысушысы «Нұрлы жол» нысандарында еңбек етті
13 Қараша, 2015 12:04
2015 жылы «Жасыл ел» бағдарламасының мыңнан астам қатысушысы «Нұрлы жол» нысандарында еңбек етті, деді «Жасыл ел» жастар жасағының республикалық штабының жетекшісі Рахат Хамидуллин ОКҚ-да.
«Жыл сайын біз 12 мың жасты жұмысқа алдық, осы жылы квотаны ұлғайттық, қатарда еңбек етушілердің саны өсіп келеді. Бұл тек облыс орталықтарында ғана емес, ауылдарда да жүзеге асуда. Үш жыл бойы біз ауыл округтары мен ауылдарда жұмыс істеп жатырмыз», - деді ол.
Сондай-ақ, оның айтуынша, «Жасыл ел» жастары «Нұрлы жол» нысандарында да еңбек етті.
«Биыл «Жасыл ел» жастары тек көгалдандыру, абаттандыру бойынша ғана емес, сондай-ақ, «Нұрлы жол» бағдарламасының нысандарында да еңбек етті. Мыңдаған жас мемлекеттік бағдарлама нысандарында еңбек етті», - деді ол.
Ботагөз Айжанова
