Қазақстанда ТКШ жаңғыртудың жаңа кезеңі басталды

13 Қараша, 2015 12:13

«Тұрғын үй-коммуналдық шаруашылығын жаңғырту мен дамытудың қазақстандық орталығы» АҚ тұрғын үй коммуналды шаруашылықтың қызметін реттейтін қолданыстағы заңнамаға өзгертулер енгізу бастамасын көтеріп отыр. Атап айтатын болсақ, кондоминиум нысандарын басқаратын органдарды аттестациялаудан өткізуді жоспарлауда.

Жаңашылдық ортақ қолданыстағы нысандарды пайдалану жүйесін жақсартуға және «Нұрлы жол» бағдарламасын аталмыш сала бойныша іс жүзінде жүзеге асыруға бағытталған.

«2011 жылы аталмыш заңда түзетулер енгізілген болатын, олар басқару және күту қызметімен байланысты болды. Өткен жылы жинақ есеп шотын ашу бойныша мерзімді бекіту мақсатында түзетулер енгізілді, сонымен қатар басқару органдарының тоқсан сайын электронды және жазбаша түрде есеп беруі қарастырылды», - деп хабарлады «Тұрғын үй-коммуналдық шаруашылығын жаңғырту мен дамытудың қазақстандық орталығы» АҚ тұрғын үй коммуналды шаруашылық департаментінің директоры Мадина Мурсакина.

Оның айтуынша, бұл шаралар жүйелілікті қамтамасыз етеді. ТКШ орталығының сараптама нәтижесіне сенетін болсақ, тұрғын үй коммуналды шаруашылық саласындағы басқару органдарының қызметі айтарлықтай жақсарған. Атап айтатын болсақ, «Бір үй - бір басқару органы – бір ПИК» принціпін енгізу жоспарлануда.

«Басқару органдарының төмен біліктілігін ескере отырып, сертификат беру арқылы оларды атестатциялаудан өткізуді және «Тұрғын үй қатынастары туралы» заңға басқару органдарының негізгі міндеттері бойынша түзетулер мен басқару органдарының қызметінің ашықтығын қамтамасыз етуде интернет портал енгізуді ұсынамыз», - деп атап өтті Мадина Мурсакина.

Айта өтейік, бүгінде ТКШ жаңғыртудың басым бөлігін мемлекет қаржыландырады. 2016 жылы бұл мақсатта 90 млрд теңгеге жуық қаражат бөлу жоспарланған.