Қазақстан биыл Парижде өтетін климат өзгерісіне арналған жаһандық форумға қатысады

13 Қараша, 2015 11:56

Биыл Парижде климат өзгерісіне арналған әлемдік деңгейдегі форум өтеді. Бұл туралы Астанада «Жасыл көпір – озық жобалар мен инновациялар үшін серіктестік платформасы» халықаралық конференциясында ҚР Энергетика министрі Владимир Школьник мәлімдеді.

«Биылғы жылдың желтоқсан айында Парижде әлемдік деңгейдегі форум өтеді. Онда климат өзгерісін қадағалау бойынша жаңа ғаламдық келісім қабылданбақ. Форум мемлекет басшылары мен әлемдік үкіметтердің қатысуымен өтеді. Бұл экономиканың ғаламдық өсіміне бағытталған табиғи ресурстық капиталға климат өзгерістері зардабының ықпал ету маңызының деңгейін көрсетеді. Бұл жағдайда атап өтетіні, Қазақстан президенті Нұрсұлтан Назарбаевтың Астана экономикалық форумында ұсынған «Жасыл көпір» серіктестік бағдарламасы әлемдік қауымдастық пен саясаткерлер, сарапшылар және іскерлер топтарында кең танымал», - деді Владимир Школьник.

Оның айтуынша, 14 қарашада Л.Гумилев атындағы Еуразиялық Ұлттық Университетінде « GREEN BRIDGE – инновациялық мүмкіншіліктер алаңы» атты халықаралық жастар форумы өтеді.

Конференцияда, сондай-ақ, ҚР Премьер-министрі К.МәсімовтІң шараның басталуына арналған құттықтауы оқылды. Өз сөзінде Премьер-министр аталмыш конференция мен 2017 жылы Астанда «Болашақ энергиясы» тақырыбында өтетін EXPO халықаралық көрмесінің маңызын атап өтті.

Барлық жаңалықтар