ҚР өнім сапасының техникалық стандарты ДСҰ талаптарына сай – сарапшы

13 Қараша, 2015 11:38

ҚР өнім сапасының техникалық стандарты ДСҰ талаптарына сай, деді ИДМ Техникалық реттеу және метрология комитеті «Қазақстандық стандарттау және сертификациялау институты» РММ бас директорының орынбасары Нұртас Өтешев Астанадағы «Сапа= іскерлік жетілдіру + инновациялар» халықаралық форумы барысында.

«11 жыл бұрын техникалық реттеу туралы заң қабылданды, ол ДСҰ талаптарына толық сай келді. Бүгінгі таңда техникалық регламент міндетті түрпге көшті. Олар ең қауіпті өнімге әзірленеді. Біз 11 жыл бұрынғы кезді алатын болсақ та, ДСҰ талаптарына сай өнім шығарғанымызды айта аламыз», - деді Н.Өтешев.

Оның айтуынша, Қазақстанда тауар сапасын арттыру бойынша жүйені нығайту жүргізілуде, оның ішінде тарифсіз қолдау арқылы да ілгерілеуде.

«Біз отандық кәсіпорындарға қолдаудың әр түрін көрсетіп жатырмыз. Техникалық реттеу саласында шағын кәсіпкерлік жұмыскерлері мен топ-менеджерлерге стандарттау, метрология, аккредиттеу, менеджменттік сапа жүйесі бойынша оқыту жүргізілуде. Қазақстаның 15 облысында апталық кешендік шаралар сапаны арттыру бойынша жүргізілді», - деді ол.

Айта кетейік, ДСҰ-ға ену туралы келіссөздер 19 жылға созылды. Қазақстан 1996 жылдың 29 қаңтарында өтініш берген болатын. Ресми түрде біздің ел Кениядағы Дүниежүзілік сауда ұйымының конференциясында 162 –ші ел болып тіркеледі. Ол 2015 жылдың 15-19 желтоқсанында өтеді.

Анар Тәңірқұлова

Барлық жаңалықтар