ЭКСПО-2017 аясында БҰҰ мен Дүниежүзілік банктың қолдауымен 3 халықаралық форум өткізу жоспарлануда
13 Қараша, 2015 11:28
ЭКСПО-2017 халықаралық мамандандырылған көрме аясында БҰҰ мен Дүниежүзілік банктың қолдауымен 3 халықаралық форум өткізу жоспарлануда, деп хабарлады G-Global халықаралық хатшылығының басшысы Серік Нөгербеков «Жасыл көпір - озық жобалар мен инновациялар үшін серіктестік платформасы» атты xалықаралық конференциясы барысында.
«ЭКСПО-2017 халықаралық мамандандырылған көрме аясында БҰҰ мен Дүниежүзілік банктың қолдауымен 3 халықаралық форум өткізу туралы бастамасын көтеріп отырмыз», - деп атап өтті ол.
С. Нөгербековтың айтуынша, «жасыл» экономиканың насихаттауда үлкен жетістіктерге қол жеткізген 10 үздік мемлекетті іріктеп алатын жыл сайынғы байқаулар өткізу жоспарлануда.
Сонымен қатар, «жасыл» экономиканы насихаттауда аса белсенділік танытып жүрген ірі ұлттық компаниялар арасында да жыл сайынғы байқаулар өткізу көзделуде.
«ЭКСПО-2017 алаңында байқауларымызды қорытындылап, үздік 10 мемлекетті және 10 компанияны марапаттай алатын едік», - деп толықтырды С. Нөгербеков.
