13 Қараша, 2015 11:21

ҚР Президентінің «Жасыл ел» бағдарламасына 10 жыл толды

Елбасы Нұрсұлтан Назарбаев 2005 жылдың ақпанында «Жасыл ел» бағдарламасын құру туралы бастаманы айтқанына ы 10 жыл өтті, деді ҚР Президенті жанындағы ОКҚ-да «Жасыл ел» жастар жасағының республикалық штабының жетекшісі Жанат Жүсіпов.

«Қазақстанның жастар бастаманы қолдай отырып, «Жасыл ел» штабын құрды. Астана, Алматы қалалары мен барлық облыстарда филиалдар ашылды. Өз жұмысымызды біз екі бағытта бастадық: «Жасыл ел» құрамына жастарды тарту мақсатында идеяны насихаттау, жастар жасағына арналған еңбек мөлшерін белгілеу», - деді Ж.Жүсіпов.

Оның айтуынша, сол кездері Қазақстан жастар аталмыш бастаманы қолдап, жасақ құрамына жастарды тарту бойынша проблема туындаған жоқ.

«Біз мойынымызға жүктелген жауапкершілікті көтеріп, өнімді еңбек ете алатынымызды дәлелдедік. 2005 жылы жұмыстың бастысы ШҚО-да орман тазалау жұмыстары болды, Каспий теңізінің жағасы мен арықтарды тазалау мақсатымыздың бірі болды. Бірінші жылдың қорытындысы бойынша жасаққа 28 мың адам тартылды, 8 мың га жерге жұмыс жүргізілді. Ең бастысы бастама жастардың Отанға деген махаббатын оята білді», - деді Ж.Жүсіпов.

Айта кетейік, Мемлекет басшысының бастамасыен 2005 жылы «Жасыл ел» бағдарламасы іске қосылды. «Жасыл ел» еңбек жасағы ағаштарды отырғызу, саябақтарды әрлеу, темір жол және автомобиль жолдары аясында көшет отырғызу жұмыстарын жүзеге асырады.

Ботагөз Айтжанова

Барлық жаңалықтар