Қазақстанда инновациялар арқылы өнімнің бәсекеге қабілеттілігі мен сапасы жетілдіріледі - ИДМ
13 Қараша, 2015 11:09
Қазақстанда инновациялар арқылы өнімнің бәсекеге қабілеттілігі мен сапасы жетілдіріледі, деді ИДМ Техникалық реттеу және метрология комитеті «Қазақстандық стандарттау және сертификациялау институты» РММ бас директорының орынбасары Нұртас Өтешев Астанадағы «Сапа= іскерлік жетілдіру + инновациялар» халықаралық форумы барысында.
«Аталмыш шараның мақсаты – сапаның маңыздылығын арттыру. Мемлекет басшысы өнімнің сапасы мен бәсекелестігін арттыру тапсырмасын жүктеді. Бұл мақсатты жүзеге асыру үшін біз сарапшылар бірлестігін шақырып, сынақ лабораториялары мен академиялық орта қалыптастыруға шетелдік сарапшылар мен мамандарды шақыртамыз. Біз осы әрекет арқылы алдымызда тұрған сынақтарға жауап береміз. Бүгінгі тақырып инновацияға негізделген. Инновациялар арқылы арқылы өнімнің бәсекеге қабілеттілігі мен сапасын жетілдіру әбден мүмкін», - деді Н.Өтешев.
Айта кетейік, әлем бойынша жыл сайын қарашаның екінші бейсенбісінде Бүкіләлемдік сапа күні аталады. Ол БҰҰ қолдауымен Еуропалық сапа ұйымы арқылы құрылды.
Анар Тәңірқұлова
