2016 жылы 20-дан астам мемлекеттік қызметті азаматтық секторға өткізу жоспарлануда

Мемлекеттік қызметті азаматтық секторға өткізу шын мәнінде барлық міндеттемелерді жеке секторға өткізу болып табылады.  Күтіліп отырғандай, бұл қадам арқылы мемлекеттік қызмет көрсету шығыны азайып, тиімділігі артады.   

Оның айтуынша, бүгінде азаматтық секторға мемлекеттік қызметті өткізу бойынша бірнеше механизм қарастырылуда.  

«Осындай тексерістен өткен механизмдердің бірі – мемлекеттік әлеуметтік тапсырыс. Механизмді өткізудің негізгі мәселесі: көрсетілген мемлекеттік қызмет қалай қаржыландырылады, аталмыш қаржыландырудың тәртібі. Егер гранттар туралы заң күшіне енетін болса, олар сол мемлекеттік гранттар болуы мүмкін», - деп түсіндірді ол.   

Д. Терешкевич осы ретте атап өткендей, қыржыландыру көлемі қандай болады деген сұрақ туындайды.  

«Бүгінде біз көрсетіліп отырған мемлекеттік қызметтер мемлекеттік бюджеттен қаржыландырылатынын айтып отырмыз. Ендігі мәселе мемлекеттік мекемені қаржыландыруға кетіп отырған қаржыны жеке секторға қалай ауыстыру. Бізде қоғамдық ұйымдарды тіркеу бойынша үш отырыс өтті.  Яғни, мемлекеттік қызметті көрсеткісі келетін қоғамдық ұйым арнайы тіркеуден өтуі тиіс. Тіркеуден өту үшін арнайы талаптар орындалуы шарт. Осы шарттарға біз құзыреттілік пен стратегияның болуын жатқызамыз», - деп сендірді ол.  

 Д. Терешкевича айтуынша, бүгінде азаматтық сектор 23 қызметті іріктеп алды, әр қызмет жеке көрсетілуі тиіс, сондықтан әлеуметтік секторда талқылау керек.  

«Бүгінде біз әр мемлекеттік орган  осы мәселелерді өздерінің құзыреттілігі бойынша таратып алып,  жіті сараптамадан өткізгенін талап етіп отырмыз. Біз 23 қызметті іріктеп алдық, алайда әр қызмет жеке көрсетілуі тиіс, сондықтан әлеуметтік секторда талқыланған жөн», - деп түйді ол.

Индира Кауметова