Астанада БҰҰ бастамасымен «жасыл» технологиялар мен инвестжобаларды дамыту орталығы ашылады

13 Қараша, 2015 10:56

Астанада Елбасы Нұрсұлтан Назарбаев ұсынған БҰҰ бастамасымен «жасыл» технологиялар мен инвестжобаларды дамытудың халықаралық орталығы ашылады. Бұл ұсынысты Елбасы Нью-Йоркте өткен БҰҰ Бас ассамблеясының дебатында айтқан болатын, деп ҚР Премьер-Министрі Кәрім Мәсімов құттықтау сөзін ҚР Энергетика министрі В. Школьник «Жасыл көпір - озық жобалар мен инновациялар үшін серіктестік платформасы» атты xалықаралық конференциясы барысында оқып берді.

«Қазақстанда 2017 жылы Болашақ энергиясы тақырыбында ЭКСПО көрмесі өтеді. Астана күн, жел, биогаз, теңіз және термальді сулардың энергиясын қолдану бойынша әлемдік жаңалықтар мен трендтер ұсынылатын алаңға айналады. Баламалы энергетиканы пайдалану бойынша әлеуеті жоғары серпінді жобалар көрсетіледі», - деген құттықтауда К.Мәсімов.

Өз сөзінде К.Мәсімов ҚР Президенті Н. Назарбаев Қазақстан-2050 стратегиясында «жасыл» экономиканы дамытып, баламалы көздерден алынған энергия тұтынуды 2050 жылға қарай 50 пайызға дейін жеткізуді тапсырғандығын айтты.

«Әлемдік деңгейде күштердің бірігуі мақсатында Мемлекет Басшысы БҰҰ Бас ассамблеясының 66-сессиясында «Жасыл көпір» бастамасын көтерді. Оның басты миссиясы жасыл дамуды басқару, xалықаралық ықпалдастық, теxнология алмасуға көмектесу тетіктерін жасақтау және қаржылық қолдау жасау. Ұлттық деңгейде Қазақстан «Жасыл экономикаға өту тұжырымдамасын»қабылдау арқылы аталмыш бағдарламаға өз үлесін қосты», - деп атап өтеді Үкімет басшысы құттықтау сөзінде.

«Аталған конференцияның сұxбат алаңы «жасыл» экономика саласындағы инновациялардың дамуына ықпал ететін тұшымды ұсыныстардың катализаторы болады деп үміттенемін. Конференция бағдарламасы xалықаралық деңгейде жасыл экономикаға өту, алдыңғы қатарлы жасыл теxнологиялар мен жобаларды тарату, жасыл бизнесті дамыту, институционалды және теxникалық инновацияларды қолдау тақырыптарына арналған», - деп В.Школьник Үкімет басшысының құттықтауын оқыды.

Барлық жаңалықтар