Маңғыстау облысының Дәулет ауылына жаңа су құбыры жүргізілді

Айта кетейік, аталмыш нысан 2011-2020 жылдарға арналған Ақбұлақ бағдарламасы аясында бой көтерді. Бұл мақсатта республикалық және жергілікті бюджеттен 1 млрд 50 млн теңгеден астам қаржы бөлінді.

«Біз бүгін Дәулет ауылының барша тұрғындары үшін айтулы шараның куәгері болып отырмыз. Ауыз суын сақтауға арналған резервуар пайдаланылуға берілуде.  Ауыл ішіндегі суқұбырының ұзындығы 55,6 км және ауыз суын сақтауға арналған 2 резервуар бар.  Жалпы, бұл бағыттағы жұмыстар өз жалғасын табады. Аймақтағы өзге ауылдарды ауыз сумен қамтамасыз ету мақсатындағы жобалардың сметалық құжаттамаларын дайындау  аяқталып қалды», - деп атап өтті Маңғыстау облысының әкімі Алик Айдарбаев.

«Біз ауылға су құбырының жүргізілгеніне дән ризамыз. Егер су таситын арнайы көлік бізге тіршілік көзін тасыса, енді оны краннан ағызып іше береміз. Ауданымызда балабақшалар, мәдениет үйі, денсаулық сақтау нысандары  ашылуда. Ал, ауданымыз не бәрі 2007 жылы ғана құрылған болатын. Осы аз уақыттың ішінде жеткен жетістігіміз аз емес», - деп ағынан жарылды Дәулет ауылының тұрғыны Сатыбалды Сайынов.