Ақмола облысында 200 орынға есептелген балабақша ашылды (ФОТО)

Балабақшаның ашылуы салтанатты түрде өтті. Есіл ауданының әкімі Аманбек Қалжанов барлық қонақтарды «Балбөбек» балабақшасының ашылуымен құттықтап, жаңа балабақшаның ұжымына табыс тіледі.

 «Балапан» бағдарламасы аясында республикалық бюджеттен бөлінген 14 млн теңгеден астам қаржыға нысанға күрделі жөндеу жұмыстары жүргізілді. Жаңа балабақша 200 орынға есептелген және 48 адамды жұмыспен қамтыды. Жасыратыны жоқ бұл көптеген есілдіктер үшін және Калачи мен Красногорск ауылдарынан көшіп келгендерге жақсы бастама, олардың балалары кәсіби мамандардың қарауында болады.

Қонақтар үшін балабақшаны таныстыру мақсатында арнайы экскурсия ұйымдастырылды, содан соң салтанат залында балалар жиналған қауым үшін өздерінің өнерін көрсетті.

Айта кетейік, бүгінде Есіл ауданында 29 мектепке дейінгі білім беру мекемісі және 23 шағын орталық жұмыс істейді. Жалпы,  1 және 6 жас аралығындағы балаларды балабақшамен қамту үлесі 64,9 % құраса,  3 пен 6 жас аралығындағы бүлдіршіндерді балабақшамен қамту  93,8% көрсетіп келді, енді жаңа балабақшаның ашылуына орай   3 пен 6 жас аралығындағы бүлдіршіндерді балабақшамен қамту  көрсеткіші  100%-ға жетті.