«Казконтент» АҚ ҚХА Жылы шараларын жариялауға үлес қосқаны үшін алғыс хатпен марапатталды (ФОТО)

Салтанатты шараның басында ҚХА Төрағасы Ералы Тоғжанов журналистика саласында үздік шығармаларымен көзге түскен журналистерге «Қазақстан халқы Ассамблеясына 20 жыл» мерекелік медалін табыстады.

Сондай-ақ, ҚХА жылы шараларын жариялауға үлес қосқан «Казконтент» АҚ алғыс хат пен  Корей этномәдени орталығы ұсынған 100 мың теңге көлеміндегі грантқа ие болды. Сондай-ақ, марапатқа  «24 kz», «Егемен Қазақстан» республикалық газеті, «Казахстанская правда», «Қазақ радиосы», «Астана радиосы» және «Қазақпарат» ақпараттық агенттігі ие болды.

Айта кетейік, «BNews.kz» АА тілшісі Айымгүл Әбілова «ҚХА мен этномәдени бірлестіктіердің қызметін насихаттау» номинациясы бойынша сыйлыққа  иеленді.

Айта кетейік, биылғы жылдың ақпанында ҚХА журналистика саласында өтетін жыл сайынғы «Шаңырақ» шығармашылық байқауының басталуы туралы жариялаған болатын. Ол 5 номинация бойынша өтті: «Қазақстандық патриотизмнің нығаюы», «Мемлекеттік тіл рөлінің өсуі», «Қазақстиандық этностың мәдениеті мен салт-дәстүрін дамыту» және «ҚХА мен этномәдени бірлестіктіердің қызметін насихаттау».

Индира Кауметова