ҮЕҰ туралы заң жобасының әзірленуінде халықаралық тәжірибе қолданылды – сарапшы

12 Қараша, 2015 18:32

«ШҚО Жастар және балалар ұйымының қауымдастығы» ЗТБ директоры Эльзира Жүнісова Strategy2050.kz. АА берген сұхбатында ҮЕҰ туралы заң жобасының әзірленуінде халықаралық тәжірибе қолданылғанын атап өтті.

«Біздің ұйым жастар саясатымен айналысады, демек мемлекеттік әлеуметтік тапсырысты орындайды. Жастар мен балаларға арналған тренингтер ұйымдастырамыз. Біз мемлекеттік құрылымдар мен халықаралық ұйымдармен ынтымақтастықты жүргізудеміз. ҰЕҰ заң жобасына қатысты айтатын болсақ, жалпы идея жақсы. Халықаралық тәжірибе қолданылды. Гранттар қалай беріледі деген сұрақ туындайды», - деді Э.Жүнісов.

Айта кетейік, Мемлекет басшысы заңнаманы «Қоғамдық кеңестер туралы» Қазақстан Республикасының заңына сәйкес келтіруге бағытталған «Қазақстан Республикасының кейбір заңнамалық актілеріне қоғамдық кеңестер мәселелері бойынша өзгерістер мен толықтырулар енгізу туралы» Қазақстан Республикасының заңына қол қойған болатын.

ҰЕҰ гранттың жарты қаржысын өзінің материалды техникалық базасын жақсартуға бағыттай алады. «ҰЕҰ арналған премия» әлеуметтік жобаларға беріледі.

Ботагөз Айтжанова