• Басты
  • Қазақстандық этносаралық келісімді құру тәжірибесіне әлемнің 150-ге жуық мемлекеті қызығушылық танытып отыр

Қазақстандық этносаралық келісімді құру тәжірибесіне әлемнің 150-ге жуық мемлекеті қызығушылық танытып отыр

12 Қараша, 2015 16:27
Қазақстандық этносаралық келісімді құру тәжірибесіне әлемнің 150-ге жуық мемлекеті қызығушылық танытып отыр. Бұл туралы Қазақстан халқы Ассамблеясының II Халықаралық медиа форумында ҚХА Журналистер клубының төрағасы Гүлмира Қаракөзова хабарлады.

«Медиация – ол жай ғана сәнге айналған сөз емес, медиация – заман талабы. Не себепті істі сотқа дейін жеткізу керек, егер бар мәселері медиатор өзі шеше алатын болса.   Медиацияның артықшылығы өте көп. Біріншіден – уақыт пен қаржыны үнемдеу, сонымен қатар әр тарап өзіне ыңғайлы шешім шығара алады», - деді Г. Қаракөзова.

Оның айтуынша, ҚХА этносаралық келіспеушіліктерді шешуде медиатор ролін атқарады. 

«Қуанышымызға орай біздің елімізде этносаралық даулар көп болған жоқ. Бұл ретте ҚХА-ның атқарған ролі зор, бізде бірегей институт бар және биыл оған 20 жыл толды», - деп атап өтті ол.

Оның айтуынша, қазақстандық этносаралық келісімді құру  тәжірибесіне әлемнің 150-ге жуық мемлекеті қызығушылық танытып отыр

Индира Кауметова

Барлық жаңалықтар