• Басты
  • ҚХА-ның II Халықаралық медиа форумында «ҚХА 20 жыл – Бір ел - бір тағдыр» жинағы таныстырылды

ҚХА-ның II Халықаралық медиа форумында «ҚХА 20 жыл – Бір ел - бір тағдыр» жинағы таныстырылды

12 Қараша, 2015 15:36
Бүгін Қазақстан халқы Ассамблеясының II Халықаралық медиа форумында «ҚХА 20 жыл – Бір ел - бір тағдыр» жинағы таныстырылды.

«Бұл біздің екінші кітабымыз. Алғашқы кітап ҚХА-ның алғашқы 15 жыл бойы жүргізген жұмысына арналды, екінші кітапта ҚХА-ның 5 жылдық жұмысы сарапталды», - деп хабарлады «Казахстанская правда» басылымының бас редакторының орынбасары Татьяна Костина кітапты таныстыру барысында.

Т. Костина атап өткендей,  жинақ 7 бөлімнен тұрады, алғашқысы Ассмаблеяның 20 жылына арналған.

«Екінші бөлім – ол ең ауқымдысы және ең жарқын бөлігі, олар біздің сессиядан жасаған репортаждарымыз, мақалаларымыз және т.б. Сонымен қатар ең қызықты бөлімдердің бірі ол алтыншы бөлім, онда түрлі ұлт өкілдері қазақ тіліне деген махаббатын білдірген», - деп атап өтті.

«Жалпы кітап әр оқырманға Ассамблеяның жұмысымен, әр қазақстандықтың біздің қоғамымызға қосқан үлесімен етене танысуға мүмкіндік береді», - деп түйді ол.

Естріңізге сала кетейік, бүгін Астанада Қазақстан халқы Ассамблеясының «Бейбітшілік пен келісім мәдениеті» атты ІІ халықаралық медиа форумы өтуде.  Іс-шараға ҚР Парламентінің депутаттары, мемлекеттік органдардың ресми тұлғалары, республикалық және өңірлік БАҚ пен этномәдени бірлестіктердің өкілдері, Қытай, Ресей, БАӘ,  Түркия, Қырғызстан, Әзербайжан, Латвиядан келген сарапшылар, Қазақстанда тіркелген шетелдік журналистер қатысуда.

Индира Кауметова

Барлық жаңалықтар