Қ.Бишімбаев: Қазақстанда инновацияның дамуы – бұл соңғы 8 жылда білім беру саласына салынған инвестициялар

12 Қараша, 2015 15:19

Қазақстанда соңғы 7-8 жылда білім беру саласына салынған инвестициялардың арқасында стартап-қозғалыстар өздерінің нәтижесін бере бастады, деп хабарлады «Бәйтерек»ҰБХ»АҚ басқарма төрағасы Қуандық Бишімбаев Астанадағы Techconnect Astana технологиялық форумы барысында.

«Қазақстанда соңғы 7-8 жылда білім беру саласына салынған инвестициялардың арқасында стартап-қозғалыстар өздерінің нәтижесін бере бастады . Елімізде Карнеги-Меллон университетімен бірлескен Халықаралық ақпараттық технологиялар бойынша университет пайда болды. Алматыда стартаптар көптен пайда болуда. Ендігі кезекте мемлекеттік органдар мен біз сияқты ұйымдар инфрақұрылымдарын жақсартуы тиіс», - деді Қ.Бишімбаев.

Осы ретте ол атап өткендей, технопарк немесе бизнес инкубатор және ғылыми орталықтар болмасада инфрақұрылым кең ауқымда болуы тиіс. (...)

«Мемлекеттік деңгейде Қазақстан шын мәнінде инновациялық стратегиялардың ізбасары, көбіне олар Елбасы Н.Назарбаевтың бастамалары. Оның идеялары Кедендік Одақ, ЕАЭО - оның барлығы жаңа мүмкідіктердің бетін ашады», - деп атап өтті Қ.Бишімбаев.

Холдинг төрағасы түсіндіріп кеткендей: «Әрине, бізді Токиомен (Жапония), Нью-Йоркпен (АҚШ), Лондонмен (Ұлыбритания) салыстыра алмаймыз, алайда Қазақстанға Силикон алқабын, үздік ғылыми тәжірибені және білімді қалай алып келуге болады?! Тек интеграциялық бірлестіктер арқылы. Сондықтанда интеграция аясында байқалатын мемлекеттік инновациялардың маңызы зор».

Ботагөз Айтжанова

Барлық жаңалықтар