ҚР ҚК қатарының соңғы толымы болып СҚО шақырылушылары атанды (ФОТО)
Шақырылушылардың соңғы жөнелтілген командаларының бірін Солтүстік Қазақстан облысынан шығарып салды. Қарулы Күштер қатарына мерзімді әскери қызметке 50-ге жуық солтүстік қазақстандық шақырылды. Петропавлдан олар Гвардейск кентінің 30212 әскери бөліміне аттанды.
Іс-шара рәсімі Қазақстан Республикасы Қарулы Күштерінің, басқа да әскерлері мен әскери құралымдарының жалпыәскери жарғылары талаптарына сәйкес өтті. Жаңадан келгендерді бұл күні ата-аналары, Ұлы Отан соғысының ардагерлері, Қарулы Күштердің ардагерлері, жергілікті соғыс ардагерлері, билік өкілдері, Петропавл қаласының орта-арнаулы оқу орындарының студенттері құттықтады.
Қорғаныс істері жөніндегі департаментте айтып өткендей, Солтүстік Қазақстан облысынан келген бозбалалар әскерге құштарлықпен және әскери істің қыр-сырын танып-білу үшін қызығушылықпен аттанады. Бүгінгі таңда әр қазақстандық қазақстандық армияда қызмет ету беделге және құрметке ие, олардың біршамасы келісімшарт бойынша әскери қызметте қалуға ықылас білдіруде.
Мерзімді әскери қызметке шақыру, келісімшарт бойынша әскери қызметке орналасу және өткеру, әскери билет алу, сондай-ақ әскери есепке алуды жүргізу мәселелері онда өткізілген ашық есік күні негізгі болғанын айта кеткен жөн. Петропавл гарнизонының әскери қызметшілері өтініш білдіріп, жүгінген азаматтарға өздерінің құқықтарын іске асыру мәселелері жөнінде бүге-шігесіне дейін түсіндіріп, егжей-тегжейлі жауап берді.
