ҚР ҚК-нің 72 сержанты өздерінің біліктіліктерін арттыруда

12 Қараша, 2015 20:42

Ш. Уәлиханов атындағы ҚР Қорғаныс министрлігінің Кадет корпусы базасында взвод сержанттарының біліктіліктерін арттыру курстары басталды. Әскери қызметшілерді дайындау бір ай бойы өткізіледі, деп хабарлады Қорғаныс министрлігінің баспасөз қызметі.

Аталған курс шеңберінде Ақмола облысының Щучье қаласына ҚР Қарулы Күштерінің әскери қызметшілері санынан 72 сержант келді. Олардың ішінде төрт өңірлік қолбасшылықтың өкілдері, сондай-ақ барлық түрлер мен әскер тектерінің әскери қызметшілері бар.

Осы дайындықтың негізгі мақсаты қосымша білімді, шеберлік пен дағдыны алуға бағытталған сержанттардың арнайы бағдарламаны өтуінен, сондай-ақ ғылыми және оқу пәндерін, зерделеу, техника бөлімдері мен жаңа технологияларды меңгеруден тұрады.

Сонымен, мәселен, курс бағдарламасына атыс, тактикалық, саптық, техникалық және дене даярлығы, жалпыәскери жарғы, әскери құқық негіздері пәндері кіреді. Көрсетілген пәндер бойынша тыңдалған академиялық сағаттардан кейін сержанттар сынақ және емтихан тапсырады. Бұл курс бір айға созылады, одан кейін тапсырылған емтихан негізінде сержанттарға біліктілікті артыру туралы сертификаттар беріледі.

ҚР Қарулы Күштерінде сержанттар құрамының курстық даярлығы Қорғаныс министрінің бірінші орынбасары – ҚР ҚК Бас штабы бастығының бұйрығына сәйкес ұйымдастырылады және 5 деңгейлі дайындықтан тұратынын айта кетейік. Ол: сержанттың базалық курсы, взвод сержанты, рота сержанты, батальон сержанты және бригада сержанты курстары. Жалпы алғанда, осы жылы дайындықтан тиісті деңгейдегі шамамен 1000 сержант өтті.

Барлық жаңалықтар