ҚР ҚК әскери полициясы және ішкі істер органдары бірлесіп мамандарды дайындайды

11 Қараша, 2015 18:51

Оқу сұрақтарындағы өзара іс-қимыл, кейбір оқу пәндері бойынша оқытушымен алмасу, инновациялық оқу әдістерінде тәжірибе алмасу, бірлескен мәдени-спорттық іс-шараларды өткізу, бұл барлық уағдаластыққа ҚР ІІМ оқу-жаттығу орталығының оқытушы офицерлері және басшылығымен әскери полиция мамандарын даярлау орталығы өкілдерінің кездесуі барысында қол жеткізілді, деп хабарлады Қорғаныс министрлігінің баспасөз қызметі.

Себебі, екі оқу-жаттығу орталығының қызметі оқыту әдістері және пәндері бойынша ұқсас, өзара іс-қимыл ҚР ҚК әскери полиция мен ішкі істер органдарының мамандарын даярлау сапасын арттыруға және проблемалық тұстарды жоюға мүмкіндік беретіні туралы кездесуге қатысушылардың ойы бір жерден шықты.

Әскери полиция мамандарын даярлау орталығының басшылығы қатысушыларды ҚР ҚК әскери полция органдарының құрылу тарихымен, олардың дамуы және Қазақстанның Қарулы Күштері үшін маңыздылығымен, сондай-ақ әскери полиция мамандарын даярлау орталығының қызметімен, оқу бағдарламаларымен, оқыту тәртіптері және даму перспективаларымен таныстырды.

Аталған орталық 16 жылдан астам қызмет етіп келе жатқанын айта кеткен жөн. Оқу барысында әскери полиция бөлімдері мен бөлімшелерінің болашақ мамандары лауазымдық міндеттерді орындау, қаруды, техникалық және арнайы құралдарды, криминалистік техниканы қолдану, дене төзімділігі мен саптық жинақылықты жетілдіру бойынша теориялық білім мен практикалық дағдыны игеруде.

Жыл сайын орталық шамамен 150-200 адамды шығарады, оның ішінде 100-120 адам ҚР ҚК әскери полиция органдарына қызмет етуге алғаш келгендер болып табылады.

Барлық жаңалықтар