Ақмола облысында onlinе режимінде ата-аналарды қоғамдық тыңдау өтті

Шараға ата-аналар қоғамы, білім беру ұйымдарының директоры, тәрбиелік жұмыс бойынша әдіскерлер, сынып жетекшілері, психологтар мен облыстың ұстаздары қатысты.

Қоғамдық тыңдауда ата-аналар рөлін күшейту мақсатында Ақмола облысының тәрбие беру және қамқорлық бөлімінің жетекшісі Айнаш Ғалимова облыстың орта білім беру ұйымдарындағы тәрбиелік жұмыстар туралы айтып өтті.

Көкшетау қаласының отбасылық тәрбиелеу орталығының жетекшісі Юлия Сарсекеева отбасы мен мектептің өзара байланысы, балалар тәрбиесіне ерекше мән берді.

Қоғамдық тыңдауларды өткізудің бастаушылары отбасы мен мектеп арасында өзара байланыс орнатудың стратегиялық бағыттарын дайындау үшін қоғамдық институттардың  күшін біріктіру мақсатын алға қойды.

Кездесу бойынша бірқатар ұсыныстар қабылданды.