Қазақстанда нан бағасының еркін айналымға жіберілуіне орай күнкөріс минимумын өзгерту жоспарлануда
11 Қараша, 2015 15:18
Қазақстанда нан бағасының еркін айналымға жіберілуіне орай күнкөріс минимумын өзгерту жоспарлануда, деді Денсаулық сақтау және әлеуметтік даму министрі Тамара Дүйсенова Астанадағы бюджеттік саланың қызметкерлерімен кездесу барысында.
«Қазіргі таңда нан бағасының еркін айналымға жіберілуі қарастырылып жатқандықтан біз әлеуметтік аз қамтылған халыққа адрестік көмек көсретуді жоспарлап отырмыз», - деді Т.Дүйсенова.
Министр атап өткендей, әлеуметтік мекен-жайлық көмек отбасының кірісіне байланысты бекітілетін болады.
«Бүгінде Қазақстанда 56 мың адам мекен-жайлық көмек алып отыр. Балалар жәрдемақысын 200 отбасы, яғни 562 мың бала алып отыр. Бұл аз қамтылған екі топқа күнкөріс минимумының өзгеруіне орай әлеуметтік көмек көлемні де згереді», - деді ол.
Айта кетейік, 2016 жылдың 1 қаңтарынан бастап нан бағасын нарық реттейтін болады.
Анар Тәңірқұлова
