• Главная
  • ҚР ҚК-де әскери бөлімдердің бөлімше командирлерінің курстық даярлығы өтуде (ФОТО)
11 ноября, 2015 20:43

ҚР ҚК-де әскери бөлімдердің бөлімше командирлерінің курстық даярлығы өтуде (ФОТО)

«Шығыс» өңірлік қолбасшылығында Семей гарнизоны әскери бөлімдерінің бөлімше командирлерінің курстық даярлығы басталды, деп хабарлады Қорғаныс министрлігінің баспасөз қызметі.
ҚР ҚК-де әскери бөлімдердің бөлімше командирлерінің курстық даярлығы өтуде (ФОТО)

Семей гарнизонында 2015 жылғы қазанның 26-ы мен қарашаның 14-і аралығында бөлімше командирлерімен курстық даярлық өткізілуде. Ол 2015 оқу жылына арналған «Шығыс» өңірлік қолбасшылығының әскерлерін және басқаруды дайындау жөніндегі негізгі іс-шаралар жоспарына сәйкес өтуде.

Курстық даярлықты өткізу мақсаты кіші сержанттар құрамының кәсіби деңгейін арттыру, кәсіби даярлық шеңберінде олардың білімін тексеру, лауазымдық арналуына сәйкес сәтті практикалық қызмет үшін жеткілікті көлемде сержанттардың әскери, техникалық және арнайы білімді меңгеруі, оқыту мен тәрбиелеудің бірыңғай әдістемесін анықтау, бағыныстыларды оқытып-үйретуде инновациялық, перспективалық үлгілер мен әдістерді енгізу болып табылады. Курстық даярлыққа 50 сержант тартылды.

Бағдарламаға сәйкес оны өткізуге 15 оқыту пәні бойынша 120 оқу сағаты бөлінген. Атап айтқанда, дәрістер, семинарлар, топтық және практикалық, сондай-ақ әдістемелік сабақтар. Практикалық бағыттылық  50 % құрайды. Сабақтар блокты әдіснама бойынша өткізілетінін айта кетейік. Осылайша, әр сабақтың басында және аяғында тестілеу, практикалық сынақ және тактикалық лездемелер тапсыру түрінде сынақтар қабылданады.