11 Қараша, 2015 14:47

Тегеранда Иранның ЭКСПО-2017-ге қатысуы туралы келісімге қол қойылды (ФОТО)

2015 жылдың 9-10 қарашасында ҚР сыртқы істер министрінің бірінші орынбасары, «ЭКСПО-2017» халықаралық мамандандырылған көрмесінің комиссары Рәпіл Жошыбаев бастаған қазақстандық делегациясы Иран Ислам Республикасына сапармен барды, деп хабарлады ҚР СІМ.

Айта өтейік, қазақстандық дипломат Иранның сыртқы істер министрімен, Иранның вице-президентінің туризм бойынша орынбасарымен, индустрия, тау-кен өндірісі мен сауда министрлігінің басшылығымен және бірқатар ирандық компаниялардың жетекшілерімен кездесулер өткізді.

Кездесулер барысында екі елдің өзара серіктестігінің бүгінгі жағдайы мен болашағы, сауда-экономикалық, ғылыми-техникалық, мәдени гуманитарлық ынтымақтастықты одан ары дамыту, туризм саласында ынтымақтастық орнату, визалық режимді жеңілдету, топтық туристік визаларды енгізу, екі елдің астаналары арасында тікелей әуерейстерді ашу сынды бірқатар келелі мәселелер қаралды.

Сонымен қатар, Р.Жошыбаев Иранға сапары аясында ИИР индустрия, тау-кен өндірісі мен сауда министрі Хуссейн Эсфахбудимен бірге Иранның ЭКСПО-2017 халықаралық мамандандырылған көрмеге қатысатыны туралы келісімге қол қойды. Бұдан басқа, «Астана ЭКСПО-2017»ҰК»АҚ ирандық туроператорлар - «Teeba» мен «HolidayCo» компанияларымен туризм саласында ынтымақтастық орнату бойынша меморандумдарға отырды.

Барлық жаңалықтар