ҚР-да 2500-ден астам мемлекеттік қызметкер мен ҚХА мүшелері этносаралық келісім мәселелері бойынша арнайы курстан өтті

10 Қараша, 2015 17:16

ҚР Президенті жанындағы мемлекеттік басқару академиясының базасында 2500-ден астам мемлекеттік қызметкерлер мен ҚХА мүшелері этносаралық келісім мәселелері бойынша арнайы курстан өтті, деп хабарлады аталмыш оқу орнының ректоры Болатбек Әбдірәсілов ҚХА ғылыми-сараптамалық кеңесінің отырысында.

Ректордың айтуынша, соңғы үш жылда еліміздің барлық аймақтарында 30-дан астам семинар-кеңестер, оның ішінде көшпелі кеңестер өткізілді.

«Біз тек мемлекеттік қызметкерлерді ғана емес, сонымен қатар ҚХА жұмысымен байланысты тұлғаларды да қамтуға тырыстық. Барлығы 2500-ден астам адам семинарларға қатысты. Сонымен қатар біздің Академия қашықтықтан оқыту бойынша «Этносаралық толеранттылық пен қоғамдық келісімнің қазақстандық үлгісі» арнайы бағдарламасын жасақтады. Біздің барлық мемлекеттік қызметкерлеріміз бағдарламаға тартылды, қашықтықтан оқи алды», - деп атап өтті ол.

Сонымен қатар, «Этносаралық толеранттылық пен қоғамдық келісімнің қазақстандық үлгісі» тақырыбындағы үздік ғылыми жұмыс байқауының қорытындысы жасалды. ҚХА 20 жылдығының құрметіне 20 баланың жұмысы дипломдармен және сыйлықтармен марапатталды. Жұмыстары жоғары баға алған жас шығармашыл қатысушыларға Қазақстан халқы Ассамблеясының дипломдары мен бағалы сыйлықтары табыс етілді.

Келелі кеңестің жұмысына Президент әкімшілігінің өкілдері, ҚР Парламентінің депутаттары, Ассмаблеяның ғылыми-сараптамалық кеңесінің мүшелері, министрліктер мен ведомстволардың өкілдері және т.б. қатысты.

Индира Кауметова

Барлық жаңалықтар