• Басты
  • Жаңаөзен қаласында жарықтандыру көзі ретінде күн панелі қолданылады
4 Қараша, 2013 16:48

Жаңаөзен қаласында жарықтандыру көзі ретінде күн панелі қолданылады

Жаңаөзен қаласындағы орталық көшелердегі көше жарықтандырылуын жөндеу мен құрылыс жұмыстары аяқталды. Онда алғаш рет жарықтандыру көзі ретінде монокристаллдық күн панелі қолданылады, деп хабарлайды Маңғыстау облысы әкімдігінің баспасөз қызметі.
Жаңаөзен қаласында жарықтандыру көзі ретінде күн панелі қолданылады

«Автоматты басқару жүйесімен жұмыс істейтін монокристаллдық күн панелдері күн энергиясымен жұмыс істейді. Сонымен қатар энергия жинақтаушы ретінде аккумулятор батареялары да орнатылып жатыр», - делінген хабарламада.

Ақтау қаласында көшеге жарық беруде электр қуатын орынды қолдану үшін қаланың жарықтандырылуында  108 шағын бекетті қамтитын, автоматты басқару жүйесімен жұмыс істейтін телеметрикалық қондырғылар орнатылған. Бұл электр қуатын 10-15% дейін үнемдеуге мүмкіндік береді.

Жалпы, 2013 жылы «Ынтымақ» алаңын жарықтандыру үшін 350 электрүнемдегіш лампасы орнатылды. Бұдан бөлек, Ақтау қаласындағы жағалауда жарықдиодты жарықтандырғыш пен энергоүнемдегіш лампалар орнатылған.

Айта кету керек, тәжірибе ретінде бүгінге дейін 150 Вт-тық 40 «Reflux» жарықтандырғышы орнатылған.

Барлық жаңалықтар