Болгарияның мемлекеттік орган өкілдеріне қзақстандық этникаралық келісімнің моделі таныстырылды

10 Қараша, 2015 15:34

Астанадағы Бейбітшілік пен келісім сарайында Қазақстан халқы Ассамблеясы Төрағасының орынбасары – Хатшылық меңгерушісі Ералы Тоғжановтың Болгария Халықтық Жиналысының Төрағасы Цецка Цачевамен кездесуі болды, деп хабарлады «Қоғамдық келісім» РМҚ.

Кездесуге Қазақстан Республикасы Мәдениет және спорт вице- министрі - Ғалым Ахмедьяров, Қазақстан халқы Ассамблеясы Төрағасының орынбасары - Олег Дымов, Парламент Мәжілісі Әлеуметтік-даму комитетінің төрайымы - Гүлнар Ықсановажәне Қазақстан Республикасы Парламент Мәжілісінің депутаттары, Қазақстан мен Болгарияның мемлекеттік органдарының өкілдері қатысты.

Делегацияның кездесуі барысында этносаралық татулық пен қоғамдық келісімнің қазақстандық үлгісі таныстырылды. Е.Тоғжанов шетелдік қонақтарды ҚХА-ның құрылу тарихымен, конституциялық мәртебесімен таныстырып, этносаралық татулық пен қоғамдық келісімді нығайту бойынша алда тұрған міндеттер мен жүргізіліп жатқан жұмыстар туралы; ҚХА-дан сайланған депутаттардың жұмысы, халықаралық ынтымақтастық туралы хабардар етті.

Кездесу барысында тараптар екі жақты ынтымақтастық мәселелерін талқылап, Қазақстан Республикасы Мәдениет және спорт министрлігі мен Болгария Республикасы Мәдениет министрлігінің арасында мәдениет саласындағы ынтымақтастық туралы келісімге қол қойылды. Сондай-ақ, Бейбітшілік пен келісім сарайындағы Қазақстан халқы Ассамблеясының көрме павильонына болгар ұлттық костюмі сыйға тартылды.

Барлық жаңалықтар