Биыл eGov арқылы 20 мыңнан астам компания тіркелді

10 Қараша, 2015 12:37

Ағымдағы жылдың он айында Қазақстанның электрондық үкімет порталы арқылы 20 064 заңды тұлға тіркелді. Осылайша, 2015 жылдың 1 қарашасына қарасты eGov порталында мемлекеттік тіркеуден өткен компаниялардың жалпы саны 63 211 құрады, деп хабарлады «Ұлттық ақпараттық технологиялар» АҚ баспасөз қызметі.

Заңды тұлғаларды мемлекеттік тіркеу, олардың филиалдары мен өкілдіктерін есептік тіркеу қызметі электрондық үкімет порталында 2013 жылдан бері қолжетімді. Қызмет іске қосылған жылы 19307, 2014 жылы 23840 рет алынды.

Онлайн қызметті алу үшін электрондық түрде өтініш толтырса болды, бір күннің ішінде пайдаланушының жеке кабинетіне мемлекеттік тіркеу немесе мемлекеттік тіркеуден бас тарту туралы электрондық анықтама түрінде жауап келеді. Онлайн-өтінішті толтыру кезеңінде жүйе кәсіпкерде жылжымайтын мүлігінің бар болуын автоматты түрде тексереді, санаулы уақыт ішінде тіркелген заңды тұлға әрекеттегі, және т.б. атауының сәйкес келуіне тексеруді жүргізеді.

Егер бұрын өтініш беруші мемлекеттік органға бес және одан да көп құжаттармен келіп, 5 күннен 30 күнге дейін тіркелуді алу үшін деректерді тексеруді тосса, бүгінгі күні рәсімдеудің барлық уақыты электрондық түрде бір күннен көп уақытты алмайды, бұл ретте ешқандай құжаттарды талап етпейді.

Қазақстанда бизнесті тіркеу рәсімін жылдамдату мемлекеттік қызметтердің автоматтандыру және оңтайландыру үдерісінің арқасында мүмкін болды. Осы жылдың басынан бастап шағын және орта кәсіпкерлік объектілері үшін мемлекеттік тіркеу тегін.

Еgov.kz порталының Заңды тұлғаларды мемлекеттік тіркеу, олардың филиалдары мен өкілдіктерін есептік тіркеу қызметі «Бизнеске» бөлімінің «Бизнесті тіркеу және дамыту» парақшасында орналасқан. Қызметті алу үшін ЭЦҚ қажет.

Атап айтсақ, биылғы жылы Қазақстан «Doing Business» рейтингінің «Кәсіпорынды тіркеу» көрсеткіші бойынша 53-орыннан 21-орынға көтерілген.