Жамбыл облысында жетім балалар үйінің 15 түлегі баспанамен қамтылды

«Ағымдағы жылдың шілде айында «Тұрғын үй қарым-қатынасы»  заңына өзгерістер енген болатын. Осы бағыттағы жұмыстар нәтижесінде облыс орталығында жетім өскен 15 азамат жаңа пәтерге ие болды. Жетімін жылатпаған, жесірін қаңғытпаған қазақтың ұлық дәстүрі 21 ғасырда да  жалғасын тауып келеді. Ата-анасыз өскен  өрендермен кездескен облыс әкімі осыған тоқталды», - делінген хабарламада.

15 жетім балаға тұрғын үйдің кілтін облыс әкімі өз қолымен табыс етті. Жаңа мөлтек аудан «Бәйтеректен» басыбайлы баспана бұйырған жеткіншектер жүрекжарды лебізін де жасырып қалмады.

Пәтер алған өрендердің бәрі де өрімдей жас. Демек, оларға жасалған көмек ел болашағына салынған капитал.

Мұқтаж жандарға биліктің пейілі кең. Қазіргі таңда Тараздағы ардагерлер толықтай пәтермен қамтылыпты. Тұл жетімдерге, соғыс ардагерлері мен мүгедектерге кезектен тыс баспана  берілуде.