Астанада жедел медициналық жәрдем қызметі жетілдіріледі
«Біздің барлығымыз медициналық жедел жәрдем қызметі жұмысының дұрыс ұйымдастырылмағаны себепті зардап шегіп келеміз немесе зардап шегуіміз мүмкін. Дәл қазір бұған басқаша қырынан қарау керек», – дей келе, елорда басшысы аталған жұмысқа қатысы бар барлық басқармаларды жұмылуға шақырды.
Кешенді жоспар жаңа жедел медициналық көмек қызметін жаңаша кейіпте көрсетеді және ол Қазақстан астанасының жоғары стандарттарына сай болмақ. Сондай-ақ, жоспарда инфрақұрылым, техникалық жабдықтау, көлікпен қамтамасыз ету, кадрлық құрылым және осы қызметтегі мамандардың тұрғын үймен қамтылуы мәселелері қарастырылады.
Бұдан өзге, ең басты назар шұғыл түрде оқиға орнына жөнелтілген көлік қозғалысын және аулаішілік алаңдарға кіретін жолдардағы қозғалыс жүйесі жеңілдетуге бағытталған.
Сонымен қатар, жедел жәрдем қызметінде түнгі уақытта жұмыс істейтін қызметкерлердің балаларына арналған балабақша ұйымдарының мәселесі шешімін таппақ. Аппарат кеңесінде теміржол вокзалы жұмысы сөз болды. Жаңа теміржол вокзалының құрылысына байланысты ескі вокзал да көзден таса қалмау керектігі айтылды.
Апта сайын әкімдікте өтетін аппарат кеңесінде азаматтардың өтініштері бойынша мәселелер қаралады. Соның бірі қаладағы интернет сапасына соңғы уақытта шағымдар жиі айтылуда.
