ОҚО грек-рим күресінен Қазақстан кубогын иеленді
10 Қараша, 2015 08:36
Ақтөбеде өткен Қазақстан Кубогы грек-рим күресінен командалық сынақта оңтүстіктің құрамасы бас жүлдеге ие болды, деп хабарлады облыс әкімдігінің баспасөз қызметі.
Командалық сайысқа еліміздің 11 аймағының құрамасы қатысты. Жарыстың алғашқы күнінде топтық кезеңде үздіктер анықталып, өз топтарынан Қарағанды, Оңтүстік Қазақстан және Ақтөбе облысының командалары суырылып шықты. Аталған үш ұжым жүлделерді өзара сарапқа салып, нәтижесінде жерлестеріміз 5:3 есебімен жеңіске жетті. Грек-рим күресінің командалары төмендегідей орналасты: бірінші орын: Оңтүстік Қазақстан облысы, екінші орын: Ақтөбе облысы, үшінші орын: Қарағанды облысы.
