Қазақстан өңірлерінде 9 ай ішінде 312 мың адам жұмысқа орналасты – ДСӘДМ

9 Қараша, 2015 13:58

Қазақстан өңірлерінде 9 ай ішінде 312 мың адам жұмысқа орналасты.Бұл туралы ҚР Президенті жанындағы Орталық коммуникациялар қызметінде «Жалпыға Ортақ Еңбек Қоғамын қалыптастыру және жұмыспен қамту бойынша ҚР ДСӘДМ-де атқарылып жатқан жұмыстар» тақырыбында өткен брифингте ҚР Денсаулық сақтау және әлеуметтік даму Вице-министрі Біржан Нұрымбетов мәлімдеді.

«Аймақтық жұмыспен қамту кешенді жоспарының аясында 311,6 мың адам жұмысқа орналастырылды, бұл жоспарланған көрсеткіштің 102% құрайды. «Жұмыспен қамту жол картасы 2020» бағдарламасының аясында 118,3 мың адам, оның ішінде тұрақты жұмыс орнымен 97,4 мың адам қамтылды», - деді Б.Нұрымбетов.

Мәселен, Оңтүстік Қазақстан облысында «Жұмыскерлердің еңбек жағдайларын жақсартуға негізделген инновациялық жоспарлар» байқауының жеңімпаздары еңбекті қорғау бойынша үшкүндік шетелде оқу сертификаттарына ие болды.

«Республикалық және жергілікті деңгейде өткізілген шаралар қоғамды нығайтуға, жастарды тәрбиелеуге, Еңбек адамының мәртебесін арттыруда орасан зор рөл атқарады», - деп атап айтты вице-министр. Жұмыспен қамту шаралары туралы сөз барысында ол жыл басынан бастап аймақтық әкімдер, жұмыс берушілер, ұйым кәсіподақтарының арасында жұмыс орындарын сақтау бойынша 72 мыңнан астам меморандумға қол қойылғанын мәлімдеді.

Айта кетейік, осы жылы ЖҚЖК жұмыспен қамту бойынша 5 мың жұмыссыз адам шағын несие алып, өз істерін ашты. Өз кезегінде, олар 3600 қосымша жұмыс орнын ашты.

Анар Тәңірқұлова

Барлық жаңалықтар