• Басты
  • Болгарлық консорциум Астанадағы «Expo Town» тұрғын үй құрылысын аяқтайды (ФОТО)
9 Қараша, 2015 12:53

Болгарлық консорциум Астанадағы «Expo Town» тұрғын үй құрылысын аяқтайды (ФОТО)

Болгарлық консорциум Астанадағы «Expo Town» ТҮ құрылысын аяқтайды. Бұл жөнінде бүгін елордада Болгария – Қазақстан сауда палатасының өкілдігінің ашылуы барысында журналистерге берген сұхбатында Болгария – Қазақстан сауда палатасының төрағасы Иван Дудин мәлімдеді.
Болгарлық консорциум Астанадағы  «Expo Town» тұрғын үй  құрылысын аяқтайды (ФОТО)

«Аталмыш меморандум «Expo Town» тұрғын үй кешенінің аяқталуын қарастырады.  Болгария инвесторлары «ЭКСПО – 2017» көрме павильонының бас қақпасына жақын маңда орналасқан «Expo Town» тұрғын үй кешенінің құрылысын өз қаражаттары есебінен аяқтауға дайын екені белгілі болды. Бұл бағыттағы жұмыстар аз емес, осы орайда бірнеше компаниядан құрылған консорциумдар жұмыс істейді», - деді ол.

Ол айтып өткендей,  инвестиция көлемі шамамен 80 млн доллар болады. Консорциум құрамында қазіргі уақытта 3 болгарлық компания бар. Алайда, мен күні кеше ғана бірнеше компаниядан ұсыныстар алдым. Олар консорциумға қосылуға қызығушылық танытып отыр. Себебі, Астана өте қызықты қала және өздеріңіз білетіндей, алдымызда «ЭКСПО–2017» көрмесі келе жатыр.

«Көрме басталғанға дейін барлық кешеннің құрылыс жұмысын аяқтаймыз дей алмаймын. Алайда, бірінші және екінші кезектегі үйлердің құрылысы осы мерзімде аяқталуы тиіс», - деді ол.

Айта кетейік, «Expo Town» ЭКСПО-2017 павильонынан 100 метр қашықтықта орналасқан.

Ботагөз Айтжанова

Суретке түсірген Азамат Әлиев

 

 

Барлық жаңалықтар