Ц.Цачева: Болгария Қазақстанды саудадағы ұзақмерзімді және тиімді серіктес ретінде қарастырады (ФОТО)

9 Қараша, 2015 11:47

Болгария Қазақстанды ұзақмерзімді серіктес ретінде қарастырады және сауда-өндірістік саладағы тиімді серіктестікке мүдделіміз, деп хабарлады Болгария Республикасының Халықтық Ұжым төрайымы Цецка Цачева Болгария-Қазақстан сауда палатасы кеңсесін таныстыру барысында.

«Болгария Қазақстанды ұзақмерзімді серіктес ретінде қарастырады және сауда-өндірістік саладағы тиімді серіктестікке мүдделіміз. Мен үшін кеңсесінің ашылуының маңызы зор, себебі біз оның қызметінен үлкен нәтиже күтеміз», - деді Ц.Цачева.

Ол атап өткендей, Болгария-Қазақстан сауда палатасы үкіметтік емес, жылдам дамып келе жатқан ұймы болып табылады.

«Менің атап өткім келетіні, бұл ұйым барлық болгариялық мемлекеттік органдардың қолдауына ие. Біздің есептеуімізше, болгариялық дәстүрлі тауарлар үшін қазақстандық нарықта орын бар және олар үлкен сұранысқа ие бола алады. Бұл нарықтың мүмкіндіктерін ескере отырып біз Қазақстан мен Болгарияның іскер ортасының қызметі үшін заңнамалық негіздеме жасақтауымыз керек», - деп атап өтті Ц.Цачева.

Естеріңізге сала кетейік, Болгария-Қазақстан сауда палатасы Астана экономикалық форумы аясында құрылған болатын.

Ботагөз Айтжанова

Фото Азамат Әлиев