Қазақстанда агроөндірістік кешенге мемлекеттік қолдау көрсету 2020 жылға қарай 4,5 есе артады

«Біздің нарығымыздағы ресейлік тауарлардың өктемдігі, ДСҰ-ға енуіміз, еуропалық мемлекеттердегі РФ-ның санкцияларға қарсы тұруы – мұның барлығы бізден агроөндірістік кешен саласында мемлекеттік қолдау шараларына тыңғылықты қарауды талап етеді, атап айтқанда оның тиімділігін арттыруды қажет етеді. Бастысы мемлекеттік қолдау шараларының көлемін сақтап қалу ғана емес, сонымен қатар арттыру керек», - деп мәлімдеді министр.

АШМ басшысының айтуынша, Қазақстан экономикалық одақтас мемлекеттерден мемлекеттік қолдау шараларының деңгейі бойынша кенже қалған.

«Егер бізде оның көлемі жалпы өнімнің 4-4,5% құраса, Ресейде ол 8%-ға жуық шамада, сондықтанда  «Агробизнес-2020» бағдарламасы қабылданды және оның аясында 2020 жылға қарай мемлекеттік қолдау шаралары 4,5 есе артуы тиіс», - деп сендірді министр.

А. Мамытбеков атап өткендей, мемлекет бұл бағдарлама  мен ұстанымды қолдайтын болады.

«Мәселе мемлекеттік қолдау шараларының көлемін қысқарту туралы емес, оның тиімділігін арттыру болып табылады. Яғни тиімсіздерін қысқартып, тиімді салаларға жіберу», - деп толықтырды министр.

Индира Кауметова