Астанада ЖҚЖК-2020 аясында 3 мыңнан астам адам жұмысқа орналасты

Естеріңізге сала кетейік, Астана қаласы бойынша «Жұмыспен қамтудың жол картасы - 2020» бағдарламасының «Инфрақұрылымды және тұрғын үй-коммуналдық шаруашылықты дамыту есебінен жұмыспен қамтуды қамтамасыз ету» және «Жұмыс берушінің қажеттілігі шеңберінде оқыту және қоныс аудару арқылы жұмысқа орналасуға жәрдемдесу» екі бағыттары бойынша іске асырылуда.

Бағдарламаның бірінші бағыты шеңберінде ағымдағы жылғы 1 қараша күй жағдайына 8 нысанда жұмыс аяқталды (№ 1 қалалық балалар ауруханасы, № 2, 3 және № 9 қалалық емхана, № 10 мектеп-гимназиясында, № 40 орта мектебінде, Тәуелсіздік даңғылында орналасқан «Демеу» отбасылық медицинаның оқу-практикалық орталығында, Астана қаласы әкімдігінің «Белгіленген тұрақты жері жоқ адамдарға арналған әлеуметтік бейімдеу орталығы» КММ-де),  № 3 қалалық емханаға қарасты жалпы практиканың дәрігерлерінің бөлімшесі күрделі жөңдеу жұмыстары жалғасып жатыр, Абылай хан даңғылында орналасқан «Демеу» отбасылық медицинаның оқу-практикалық орталығында ағымдағы жөңдеу жұмыстары жүргізіліп жатыр, объектілерге 144 адам, оның 72-і Жұмыспен қамту орталығының жолдамасымен жұмысқа орналасты.

Бағдарламаның «Оқыту және жұмыс берушінің талабы шеңберінде қоныстандыру арқылы жұмысқа орналастыруға жәрдемдесу» бағытының шеңберінде жыл басынан бағдарламаға қатысу сұрақтары бойынша барлығы 3 233 адам келді.

«Тұрақты жұмыс орындарына 3 117 адам жұмысқа орналасты. Мемлекеттік қолдау шараларымен 783 адам қамтылды: 586 адам жастар практикасына жіберілді; 115 адам әлеуметтік жұмыс орындарына орналастырылды; 82 адам қайта даярлау курстарына жіберілді», - делінген хабарламада.