Қарағанды облысында «Дипломмен ауылға!» бағдарламасына қатысушылар саны көбейді

4 Қараша, 2013 14:45

«Дипломмен ауылға!» жобасын жүзеге асыру барысында Қарағанды облысының Бұқар Жырау ауданына жаңа ғана ЖОО тәмамдаған жас мамандар ғана емес, тәжірибе жинаған мамандар да келе бастады, деп облыс әкімдігінің баспасөз қызметі хабарлады.

«Денсаулық сақтау, білім беру, әлеуметтік қамтамасыз ету, мәдениет, спорт салалары бойынша қызмет істеуге келген мамандарға 70 АЕК көлемінде жәрдемақы беріліп баспанаға қол жеткізуге қолғабыс көрсетіледі. Ол 0,01% бойынша, 15 жылға несиелік төлем арқылы жүзеге асады», - деп хабарламада нақтыланған.

Баспасөз қызметі атап өткендей, өткен жылдар аралығында «Дипломмен ауылға!» бағдарламасына қатысушылар саны көбейді. Мәселен, Бұқар Жырау ауданына еңбек етуге келген ұстаздар саны-1,5 есеге, дәрігерлер-2,6 есеге көбейген.

2013 жылдың қаңтар-қазан айларында әлеуметтік көмек көрсетуге 2423,4 мың теңге жәрдемақы бөлінген. Баспана алу үшін 46737 мың теңге қарастырылған.

« «Дипломмен ауылға!» бағдарламасының әлеуметтік маңызы жастарды ауылдық жерлерге тарту аймақтың экономикалық жағдайын жақсартады. Ол тұрғындардың жақсы өмір сүруінің де көрсеткіші», - деп хабарламада нақтыланған.

Барлық жаңалықтар